Ինչ ենք մենք ֆինանսավորում

Հայկական դրամաշնորհներ

Ինչ ենք մենք ֆինանսավորում

Հ․ Հովնանյան ընտանեկան հիմնադրամի դրամաշնորհներ մշակութային նախաձեռնությունների համար

Դրամաշնորհային ծրագրի անվանումը՝ Հ․ Հովնանյան ընտանեկան հիմնադրամի դրամաշնորհներ մշակութային նախաձեռնությունների համար

Հայտերի ընդունման վերջնաժամկետը՝ հունիսի 30, 2025 (ֆինանսավորման մասին որոշումը կկայացվի օգոստոսի սկզբին)

Կոնտակտային անձ՝ Անահիտ Հակոբյան, Ծրագրերի ղեկավար

Էլ․ հասցե՝ [email protected]

Դրամաշնորհային ծրագրի նկարագիրը

Հ․ Հովնանյան ընտանեկան հիմնադրամն ընդունում է դրամաշնորհային ծրագրերի առաջարկներ արվեստի և մշակութային նախաձեռնությունների համար, որոնք միտված են Հայաստանում մշակութային հաստատությունների զորեղացմանը, հանրային ներգարվման և արվեստի ստեղծագործությունների խրախուսմանը, ինչպես նաև մշակութային ժառանգության պահպանմանը։ Ծրագրի նպատակն է նպաստել թանգարանների, թատրոնների, արվեստի դպրոցների և այլ մշակութային կառույցների մասնագիտական ու ինստիտուցիոնալ կարողությունների բարելավմանը և ենթակառուցվածքների զարգացմանը։ Ծրագիրը խրախուսում է արվեստի գործերի ստեղծումը և ներկայացումը՝ ընդսմին ընդլայնելով հանրային հասանելիությունը մշակութային փորձառություններին և կատարելագործելով մշակույթի գործիչների մասնագիտական կրթությունը։ Հայտարարության նպատակներից է նաև բարելավել ազգային ժառանգության վայրերը՝ դարձնելով դրանք առավել կենսունակ, հարմարեցնել մշակութային կոթողները, ինչպես նաև պահպանել Արցախի մշակութային ժառանգությունը։

Մեր հիմնարար երեք նպատակները նկարագրված են ներքոհիշյալ։ Ծրագրի առաջարկները պետք է հասցեագրեն հետևյալ 9 խնդիրներից գոնե մեկը։

Դրամաշնորհային ծրագրի նպատակներն ու խնդիրները

Խումբ 1 – Մշակութային հաստատությունների հզորացում

Ենթակառուցվածքների բարելավում. մշակութային հաստատությունների ենթակառուցվածքների բարելավում՝ ապահովելով բարձր որակ, կիրառելիություն և հասանելիություն՝ նորարարական լուծումների, վերանորոգման աշխատանքների և գործիքակազմի համալրման միջոցով։
Հաստատությունների կարողությունների զարգացում. մշակութային հաստատությունների գործառնությունների շարունակականության ապահովում՝ արդյունավետ կառավարման համակարգերի ներդրմամբ և ֆոնդահայթայթման ու թվայնացման նախաձեռնություններին աջակցությամբ։
Մասնագիտական զարգացում. մշակութային հաստատությունների անձնակազմի համար մասնագիտական զարգացման հնարավորությունների ներդրում և ուղղորդում։

Խումբ 2 – Արվեստի և մշակույթի գործերի ստեղծման և հանրային ներգրավման խրախուսում

Արվեստի և մշակույթի գործերի ստեղծման և նորարարության խրախուսում. մշակույթի հաստատություններին աջակցել, որպեսզի ստեղծեն, զարգացնեն ու ներկայացնեն արվեստի և մշակույթի գործեր, որոնք ուրվագծում են Հայաստանի մշակութային ինքնությունը։
Մշակույթի հասանելիության և հանրային ներգրավման ընդլայնում. մշակութային փորձառությունը հանրությանը հասանելի դարձնել՝ մշակութային զբոսաշրջությունն ու առավել լայն հանրային մասնակցությունը խրախուսելով փառատոնների, շրջիկ ցուցահանդեսների և թվային հարթակների միջոցով։ Հատուկ ուշադրություն կհատկացվի այն ծրագրերին, որոնք մշակութային հաստատություններում հանրային կրթական ծրագրեր են ներդնում՝ ուսուցման և ներգրավման փորձը հարստացնելու նպատակով։
Ստեղծագործական ոլորտի ամրապնդում․ մշակույթի և արվեստի ոլորտի մասնագետների կրթական ծրագրերի աջակցություն, արվեստում գերազանցության խրախուսում և Հայաստանում ստեղծագործական ոլորտի կայունության ապահովում։

Խումբ 3 – Մշակութային ժառանգության պահպանում և կենսունակության խթանում

Մշակութային ժառանգության փոխակերպում կենսունակ վայրերի․ մշակութային ժառանգության վայրերը վերաարժևորել որպես կենսունակ տարածքներ՝ հատուկ նախաձեռնությունների, փառատոնների, միջոցառումների ու ինտերակտիվ փորձառությունների միջոցով, որոնք խթանում են զբոսաշրջությունը, համայնքների ներգրավումը և ժառանգությունը առօրյա կյանքի մաս են դարձնում։
Մշակութային ժառանգության պահպանություն․ աջակցել հուշարձանների, հնագիտական վայրերի և մշակութային լանդշաֆտի ամբողջականության պահպանմանը՝ միևնույն ժամանակ ապահովելով դրանց հասանելիությունը և արդիականությունը։
Արցախի մշակութային ժառանգության պաշտպանություն․ աջակցել Արցախի մշակութային ժառանգության պահպանությանը միտված նախաձեռնություններին՝ ժառանգության փաստագման, վերականգնման և պաշտպանության միջոցով։

Դրամաշնորհի մասին

Ովքեր կարող են դիմել՝ Հայաստանում գրանցված հասարակական կազմակերպությունները, հիմնադրամները, հանրային կամ համայնքային հաստատությունները և մշակութային կազմակերպությունները, որոնք առնվազն 3 տարվա գործունեության փորձ ունեն։ Ինչպես նաև՝ ԱՄՆ-ում գրանցված կազմակերպությունները, որոնք գործում են IRS 501(c)(3) կատեգորիայի ներքո և ծրագիր են իրականացնելու Հայաստանում։

Ֆինանսավորման տեսակը՝ դրամաշնորհային պայմանագիր

Հասանելի գումարի ընդհանուր չափը՝ 390.000 ԱՄՆ դոլար,

Դրամաշնորհների ակնկալվող քանակը՝ 6-9, առանց նվազագույն կամ առավելագույն չափի խիստ սահմանման:

Հայտերի ընդունման գործընթացը

Հայտերի ներկայացման քայլերի հաջորդականությունը հետևյալն է․

մեր կայքում համապատասխանության հարցման լրացում – ծրագրի պահանջները բավարարելու պարագայում կստանաք դիմում-հայտի ամբողջական փաթեթը,
ամբողջական հայտի փաթեթի ներկայացում մինչև հունիսի 30-ը,
որոշ դեպքերում հարցազրույցներ և քննարկումներ կանցկացվեն հեռանկարային ծրագրերի առաջարկներ ներկայացրած դիմորդների հետ՝ նախքան նրանց կողմից ամբողջական հայտի լրացումը։

Համապատասխանության ստուգում Հայկական դրամաշնորհների համար

ՍԿՍԵԼ ՍՏՈՒԳՈՒՄԸ

Ընդհանուր տեղեկություն

Հ. Հովնանյան ընտանեկան հիմնադրամը ֆինանսավորում է ծրագրեր, որոնք ապահովում են առավելագույն ազդեցություն Հայաստանում՝ տեղի բնակչության, առաջընթացի և բարգավաճման համար։ Հայաստանում առաջնահերթությունը տրվում է հետևյալ ոլորտներին՝ արվեստ և մշակույթի պահպանություն, կրթություն, առաջնորդություն, երիտասարդություն և համայնքային զարգացում, էկոտուրիզմ և մարզերի զարգացում, ՏՏ սթարթափեր, ձեռներեցություն, նորարարություն, հանրային առողջություն և արձագանք արտակարգ իրավիճակներին։

Հասկանալու համար՝ արդյոք ձեր կազմակերպությունը համապատասխանում է Հովնանյան հիմնադրամի դրամաշնորհի պահանջներին, առաջարկում ենք ներքոհիշյալ ծանոթանալ Ծրագրին համապատասխանության չափանիշների և Ընդհանուր տեղեկության բաժիններին:

Միացյալ Նահանգներում IRS 501(c)(3) կատեգորիայի ներքո գործող բոլոր կազմակերպությունները, որոնց առաքելությունը կենտրոնացած է հայության կամ Հայաստանի շուրջ, իրենց ծրագրի առաջարկները պետք է լրացնեն այստեղ՝ Հայկական դրամաշնորհներ բաժնում։

Դիմումների ներկայացման գործընթացում առաջին քայլը համապատասխանության հարցաշարի լրացումն է։ Այն ձեզ թույլ կտա ստուգել՝ արդյոք 100 %-ով համապատասխանում եք ծրագրի պայմաններին, և կուղղորդի հետագա անելիքների հարցում։

Հարցերի դեպքում ուսումնասիրե՛ք ներքոհիշյալ Հաճախ տրվող հարցերի բաժինը, որտեղ հավելյալ մանրամասներ են տրամադրված։

Դիմումի գործընթացը

Հ․ Հովնանյան ընտանեկան հիմնադրամի դրամաշնորհին դիմելու համար նախ մեր կայքում լրացրեք համապատասխանության հարցաշարը։

Հարցաշարի լրացումից հետո Հիմնադրամի անձնակազմը կկապվի ձեզ հետ՝ տրամադրելով դրամաշնորհի դիմում-հայտը և անհրաժեշտ փաստաթղթերի ցանկը։ Ուղարկե՛ք լրացված հայտն անհրաժեշտ փաստաթղթերի հետ միասին [email protected] էլեկտրոնային հասցեին ձեզ ուղարկված նամակում նշված ժամկետում։

Դրամաշնորհի հայտերը սովորաբար ընդունվում են յուրաքանչյուր եռամսյակի վերջին, սակայն ձեզ համար նախատեսված վերջնաժամկետը կնշվի Հիմնադրամի կողմից ուղարկված նամակում։ Կազմակերպություններն իրենց հայտերի ընդունման վերաբերյալ ծանուցում կստանան։ Անհրաժեշտության դեպքում Հիմնադրամի անձնակազմը, մինչ հայտը Խորհրդի գնահատմանը ներկայացնելը, կկապվի դիմորդի հետ հավելյալ պարզաբանումների համար։ Յուրաքանչյուր հայտ կդիտարկվի մանրակրկտորեն և կարժանանա հավասար վերաբերմունքի։

Հայտերի գնահատման և որոշումների կայացման գործընթացը սովորաբար իրականացվում է նշված վերջնաժամկետից հետո՝ 2-3 շաբաթվա ընթացքում։ Ծրագրի առաջարկները գնահատվում են յուրաքանչյուր եռամսյակի ավարտին, որից հետո բոլոր դիմորդները իրենց առաջարկի վերաբերյալ կայացված որոշման մասին տեղեկացվում են գրավոր ծանուցմամբ։

Հաշվետվության պահանջները․

Բոլոր դրամաշնորհառուները պարտավորվում են տրամադրել միջանկյալ և ամփոփիչ նկարագրողական ու ֆինանսական հաշվետվություններ՝ դրամաշնորհի համաձայնագրով նախատեսված ժամկետներում։
Բոլոր ֆինանսական հաշվետվությունները պետք է ներառեն զեկուցվող ժամանակահատվածում կատարված ծախսերն արտացոլող փաստաթղթերը։
Բոլոր նկարագրողական հաշվետվությունները պետք է ներառեն նկարներ ու տեսանյութեր, զեկուցվող ժամանակահատվածում իրագործված և հաջորդ փուլում նախատեսվող քայլերի նկարագիր, ինչպես նաև՝ մարտահրավերների, հաջողությունների և ազդեցության անկողմնակալ գնահատական։

Ծրագրին համապատասխանության չափանշիները․ ո՞վ կարող է դիմել

Հ․ Հովնանյան ընտանեկան հիմնադրամը դրամաշնորհ է տրամադրում միայն հետևյալ պայմաններով․

Դիմորդը պետք է լինի բարեգործական բնույթի գրանցված կազմակերպություն․ սա կարող է լինել ինչպես ԱՄՆ-ում IRS 501(c)(3) կարգավիճակ ունեցող հաստատություն, այնպես էլ Հայաստանում գրանցված կազմակերպություն՝ ներառյալ ոչ առևտրային ու բարեգործական կազմակերպությունները և հիմնադրամները։
Դիմորդ-կազմակերպությունը պետք է գրանցած լինի առնվազն երեք տարվա գործունեության արդյունք։
Ներկայացվող ծրագրի գործողությունները պետք է համապատասխանեն Հովնանյան հիմնադրամի առաջնահերթությունների ոլորտներից մեկին։
Առաջարկվող ծրագիրը կարող է նախատեսված լինել ինչպես մեկ օրացուցային տարվա, այնպես էլ մեկից ավելի տարիների համար։
Հիմնադրամի կողմից նախկինում դրամաշնորհ ստացած կազմակերպությունները կարող են կրկին դիմել միայն նախորդ դրամաշնորհային ծրագրի հաստատումից 12 ամիս անց։
Վերոնշյալ բոլոր չափանիշներին բավարարելու պարագայում ներկայացվող ծրագրի անուղղակի ծախսերը, օրինակ՝ ճանապարհածախսը, չեն կարող գերազանցել Հիմնադրամից ակնկալվող ներդրման 20 %-ը։

Հ․ Հովնանյան ընտանեկան հիմնադրամը դրամաշնորհ չի տրամադրում՝

գործառնական վերադիր ծախսերի համար,
չգրանցված խմբերին ու կազմակերպություններին,
քաղաքական գործող խմբերին,
շարունակականության նախագիծ չունեցող առաջարկներին,
առևտրի ենթակա արտադրանք ստեղծելուն միտված ծրագրերին։

Հայկական դրամաշնորհների հիմնական ոլորտները

Հունվարի 1 — Մարտի 31, 2025թ․ — Ծրագրերը պետք է թիրախավորեն կրթության առանցքային բաղադրիչները, խրախուսեն նորարարությունը և կրթության պետական ռազմավարությանն ու բարեփոխումներին համահունչ լինեն։ Հանրակրթության ոլորտում համակարգային և շարունակական բարեփոխումների ապահովման նպատակով կարևոր է, որպեսզի առաջարկվող ծրագրերը փոխկապակցված լինեն ոլորտում արդեն իսկ ծավալվող գործընթացներին։ Այս ծրագրի առաջնահերթություններից են ուսուցիչների և վարչական անձնակազմի մասնագիտական կարողությունների զարգացումը, սոցիալ-տնտեսապես անապահով շրջաններում կրթական ռեսուրսների և տեխնոլոգիաների հասանելիության ընդլայնումը և գրավիչ ու ժամանակակից կրթական ծրագրերի մշակումը։ Հիմնադրամի նպատակն է Հայաստանի աշակերտների համար հավասար հնարավորությունների ստեղծումը՝ մարզերի հանրակրթական դպրոցներում կրթության որակը բարձրացնելով։
Ապրիլի 1 — Հունիսի 30, 2025թ․ — Դրամաշնորհային մրցույթը թիրախավորում է արվեստի և մշակութային նախաձեռնությունները, որոնք միտված են Հայաստանում մշակութային հաստատությունների զորեղացմանը, հանրային ներգարվման և արվեստի ստեղծագործությունների խրախուսմանը, ինչպես նաև մշակութային ժառանգության պահպանմանը։ Ծրագրի նպատակն է նպաստել թանգարանների, թատրոնների, արվեստի դպրոցների և այլ մշակութային կառույցների մասնագիտական ու ինստիտուցիոնալ կարողությունների բարելավմանը և ենթակառուցվածքների զարգացմանը։ Ծրագիրը խրախուսում է արվեստի գործերի ստեղծումը և ներկայացումը՝ ընդսմին ընդլայնելով հանրային հասանելիությունը մշակութային փորձառություններին և կատարելագործելով մշակույթի գործիչների մասնագիտական կրթությունը։ Հայտարարության նպատակներից է նաև բարելավել ազգային ժառանգության վայրերը՝ դարձնելով դրանք առավել կենսունակ, հարմարեցնել մշակութային կոթողները, ինչպես նաև պահպանել Արցախի մշակութային ժառանգությունը։
Հուլիսի 1 — Սեպտեմբերի 30, 2025թ․ — Հիմնադրամը կընդունի նախագծային առաջարկներ, որոնք միտված են արտակարգ իրավիճակներին և աղետների ռիսկերին դիմակայունության ամրապնդմանը՝ վաղ նախազգուշացման համակարգերի, թարմացված ենթակառուցվածքների և համայնքային տեղայնացումների միջոցով։ Այս փուլում կշեշտադրվեն նաև այն նախագծերը, որոնք նպաստում են կանաչ միջավայրի ձևավորմանը և էներգախնայողությանը՝ հողերի և ջրային ռեսուրսների կայուն կառավարման, վերականգնվող էներգիայի օգտագործման և աղտոտման նվազեցման միջոցով։ Բացի այդ, Հիմնադրամը կաջակցի այն նախաձեռնություններին, որոնք խթանում են բնապահպանական կրթությունը և համայնքային ներգրավվածությունը՝ նպաստելով իրազեկվածության բարձրացմանը, նորարարության խրախուսմանը և կայուն գործելակերպերի զարգացմանը։
Հոկտեմբերի 1 — Դեկտեմբերի 30, 2025թ․ — Հիմնադրամը կընդունի նախագծային առաջարկներ, որոնք միտված են քաղաքացիական ակտիվության և պատասխանատու քաղաքացիության խթանմանը՝ ոչ ֆորմալ կրթության և երիտասարդների կողմից նախաձեռնվող ծրագրերի միջոցով։ Նախագծերը կխրախուսեն առողջ ապրելակերպը՝ սպորտին մատչելիության բարձրացման, հոգեկան առողջության վերաբերյալ իրազեկման տարածման և ընդհանուր բարեկեցության աջակցության միջոցով։ Հիմնադրամը կաջակցի նաև գիտության կրթության առաջխաղացմանը՝ ոչ ֆորմալ ԳՏՃՄ ուսուցման, թվային գրագիտության և երիտասարդների նախաձեռնած նորարարությունների խթանմամբ։ Վերջապես, կզարգացվեն կարիերային հմտությունները՝ փափուկ հմտությունների, քննադատական մտածողության, ձեռնարկատիրական ունակությունների և մասնագիտական ուղղվածությամբ հետաքրքրության ձևավորման միջոցով։

Հայկական դրամաշնորհներ․ հաճախ տրվող հարցեր

Մեր ֆինանսավորման առաջնահերթություններն այն ոլորտներն են, որտեղ մեր բարեգործական առաքելությունը և Հայաստանի համար ներկայիս հրամայականը խաչվում են․ մեր նպատակն է ներդրումների միջոցով ապահովել առավելագույն ազդեցություն երկրում՝ տեղի մարդկանց, առաջընթացի և բարգավաճման համար։ Հայաստանում առաջնահերթությունը տրվում է հետևյալ ոլորտներին՝ արվեստ և մշակույթի պահպանություն, առաջնորդություն, երիտասարդություն և համայնքային զարգացում, էկոտուրիզմ և մարզերի զարգացում, ՏՏ սթարթափեր, ձեռներեցություն, նորարարություն, հանրային առողջություն և արձագանք արտակարգ իրավիճակներին։
Հայկական դրամաշնորհին կարող են դիմել այն գրանցված կազմակերպությունները, որոնք բնույթով բարեգործական են, այսինքն՝ IRS 501(c)(3) կարգավիճակ ունեցող հայկական կազմակերպությունները, դպրոցները և եկեղեցիները Միացյալ Նահանգներում, ինչպես նաև պետության կողմից գրանցված հաստատությունները Հայաստանի Հանրապետությունում, ինչպիսիք են ոչ առևտրային կազմակերպությունները, հիմնադրամները, այլ բարեգործական ընկերություններ և պետական գործակալությունները։
Հիմնադրամը չի ֆինանսավորում գործառնական վերադիր ծախսերը, օրինակ՝ աշխատավարձերը։ Սակայն այն ֆինանսավորում է անուղղակի ծախսերի առավելագույնը մինչև 20 %-ը․ դրանք կարող են ներառել սնունդի, հյուրանոցի և ճամփորդության ծախսերը։
Նախևառաջ լրացրե՛ք վերևում տրամադրված համապատասխանության հարցաշարը։ Այնուհետև՝ ծրագրի պահանջներին համապատասխանելու դեպքում, ուղղորդում կստանաք հայտի ներկայացման հետագա քայլերի վերաբերյալ։
Դրամաշնորհի հայտ ներկայացնելու վերջնաժամկետ, որպես այդպիսին, չկա, քանի որ ծրագրի առաջարկները գնահատվում են ողջ տարվա ընթացքում՝ յուրաքանչյուր եռամսյակի ավարտին (մարտ, հունիս, սեպտեմբեր և դեկտեմբեր ամիսների վերջին)։ Ժամանակային սահմանափակում ունեցող ծրագրեր ներկայացնելիս՝ առաջնորդվե՛ք հետևյալ ժամկետներով։
Այո՛, Հիմնադրամը դիտարկում է բազմամյա ֆինանսավորման հայտերը։
Այո՛, մենք արտակարգ իրավիճակներին ուղղված հայտերի դեպքում ճկունություն ենք ցուցաբերում միայն այն պարագայում, երբ ծրագրի առաջարկի թիրախում առաջնահերթ և հրատապ կարիք է, որն արագ արձագանք է պահանջում և չի կարող սպասել մինչև եռամսյակի ավարտը։
Դիմում-հայտերն ընդունվում են էլեկտրոնային փոստով, սակայն այս քայլը հնարավոր է միայն այն դեպքում, երբ հարցաշարի արդյունքում հաստատվում է ձեր համապատասխանությունը ծրագրի չափանիշներին։
Այո՛, կարող եք։ Մերժումների դեպքում մենք հետադարձ կապ ենք տրամադրում դիմորդին և լիահույս ենք, որ մեր դիտարկումները մանրակրկտորեն նկատի կառնվեն հետագա հայտերում։
Խորհուրդը ֆինանսավորման մասին որոշումները կայացնում է յուրաքանչյուր եռամսյակի ավարտից հետո՝ երկու շաբաթվա ընթացքում։
Այո, գրանցված անձը կարող է ներկայացնել մեկից ավելի դրամաշնորհային առաջարկ եռամսյակային կտրվածքով: Սակայն առաջարկներից միայն մեկը կարող է հավանության արժանանալ դրամաշնորհի պայմանները բավարարելու դեպքում: